Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 39.16 | Dem. 39.19 (English) | >>Dem. 39.22 |
39.18εἶεν . εἰ δὲ ξενίας προσκληθείη ; πολλοῖς δὲ προσκρούει , καὶ ὃν ἠναγκάσθη τρόπον ὁ πατὴρ ποιήσασθαι αὐτόν , οὐ λέληθεν . ὑμεῖς δʼ , ὅτε μὲν τοῦτον οὐκ ἐποιεῖθʼ ὁ πατήρ , τὴν μητέρʼ ἀληθῆ λέγειν ἡγεῖσθʼ αὐτοῦ · ἐπειδὰν δʼ οὕτως γεγονὼς οὗτος ὀχληρὸς ᾖ , πάλιν ὑμῖν ποτὲ δόξει ʼκεῖνος ἀληθῆ λέγειν . τί δʼ , εἰ ψευδομαρτυρίων ἁλώσεσθαι προσδοκῶν ἐφʼ οἷς ἐρανίζει τούτοις τοῖς περὶ αὑτόν , ἐρήμην ἐάσειεν τελεσθῆναι τὴν δίκην ; ἆρά γε μικρὰν ἡγεῖσθε βλάβην , ὦ ἄνδρες Ἀθηναῖοι , ἐν κοινωνίᾳ τὸν ἅπαντα βίον τῆς τούτου δόξης καὶ τῶν ἔργων εἶναι ;
ὅτι τοίνυν οὐδʼ ἃ διεξελήλυθʼ ὑμῖν μάτην φοβοῦμαι , θεωρήσατε . οὗτος γὰρ ἤδη καὶ γραφάς τινας , ὦ ἄνδρες Ἀθηναῖοι , πέφευγεν , ἐφʼ αἷς οὐδὲν αἴτιος ὢν ἐγὼ συνδιαβάλλομαι , καὶ τῆς ἀρχῆς ἠμφεσβήτει , ἣν ὑμεῖς ἔμʼ ἐχειροτονήσατε , καὶ πολλὰ καὶ δυσχερῆ διὰ τοὔνομα συμβέβηκεν ἡμῖν , ὧν , ἵνʼ εἰδῆτε , ἑκάστων μάρτυρας ὑμῖν παρέξομαι .ὁρᾶτʼ , ὦ ἄνδρες Ἀθηναῖοι , τὰ συμβαίνοντα , καὶ τὴν ἀηδίαν τὴν ἐκ τοῦ πράγματος . εἰ τοίνυν μηδὲν ἀηδὲς ἦν ἐκ τούτων , μηδʼ ὅλως ἀδύνατον ταὐτὸν ἔχειν ὄνομʼ ἡμῖν συνέβαινεν , οὐ δήπου τοῦτον μὲν δίκαιον τὸ μέρος τῶν ἐμῶν χρημάτων ἔχειν κατὰ τὴν ποίησιν , ἣν ὁ πατὴρ αὐτὸν ἀναγκασθεὶς ἐποιήσατο , ἐμὲ δʼ ἀφαιρεθῆναι τοὔνομα , ὃ βουλόμενος καὶ οὐδʼ ὑφʼ ἑνὸς βιασθεὶς ἔθετο . οὐκ ἔγωγʼ ἡγοῦμαι . ἵνα τοίνυν εἰδῆτε , ὅτι οὐ μόνον εἰς τοὺς φράτερας οὕτως , ὡς μεμαρτύρηται , ὁ πατὴρ τὴν ἐγγραφὴν ἐποιήσατο , ἀλλὰ καὶ τὴν δεκάτην ἐμοὶ ποιῶν τοὔνομα τοῦτʼ ἔθετο , λαβέ μοι καὶ ταύτην τὴν μαρτυρίαν .
39.19
Μάρτυρες
39.20
Μαρτυρία
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 39.16 | Dem. 39.19 (English) | >>Dem. 39.22 |